." ک.چ.ســــێ دڵۆپ خـــوێــــن "
" ک.چ.ســــێ دڵۆپ خـــوێــــن " ✍ نووسەر؛ فەردین ڕەشیدی «ف.ڕ.ئومێـــــــــــــــــــــــــــد»

.” ک.چ.ســــێ دڵۆپ خـــوێــــن “

” ک.چ.ســــێ دڵۆپ خـــوێــــن “

✍ نووسەر؛
فەردین ڕەشیدی
«ف.ڕ.ئومێـــــــــــــــــــــــــــد»

 

▪️حەشیمەتێکی ئێجگار زۆر لە ژن و پیاو ، منداڵ و پیر لە دووی کەوتبوون و کۆڵان بە کۆڵان و شەقام بە شەقام  هەڵیاندەبڕی و بە بەرد و خشت و دار و ئاسن لێیان دەدا . دەکەوتە سەر عەرد و بە دەم و چاوی خوێناویەوە پەلاماری دەرکەکانی دەدا و داوای یارمەتی دەکرد کە چی هیچ دەرکەیەکی لێ نەکراوە کەچی هیچ دەستێ داڵدەی نەدا . پیرژنان پێیان گوتبوو تۆ قاحبەی قاحبە ئابڕووی هەرچی ژن و کچە بردووتە ڕووت ڕەش بێ چۆن ڕەش بووە . کچان دەیانەڕاند دێڵەبەبای جندە بۆ پووڵ خۆت و کچێنی ئێمەشت فرۆشت . چەن کچی قەیرە گوتبوویان سەرت بە ئێمەش شۆڕ کرد هەزار جار لەمە خراپترت بە سەربێ . پیاوان پەلاماریان دەدا و لە گەڵ هەر لێدانێ دەستیان بۆ نێو گەڵی دەبرد و خۆیان پێوە دەنا . ئاخ ئەمە چە دۆزەخێکە کە تێی کەوتووم . ژنێ هاواری لە دایکی دەکرد و دەگریا و دەیزیقان . ژنێ پەلاماری دەرکەی مزگەوتەکەی دابوو . ژنێ پەنای بۆ ماڵی خوا بردبوو . چەن مەلا و چەن سوفی بە نووکە شەق لە نێو گەڵیان دابوو و لە مزگەوتەکە دووریان کردبۆەوە . بۆنی خوێن کەپۆی کۆڵانەکەی ئاخنی بوو . ژنێ دەگریا. ژنێ هاواری دەکرد بە پاڕانەوە داوای یارمەتی لە خوا دەکرد . ژنێ لە نێوەڕاستی کۆڵانەکەدا کەوتبوو و چنگی لە خاک و خۆڵی کۆڵانەکە گیردەکرد . ژنێ دەگریا هەزار ژن تف و نەحلەتیان لێ دەکرد . مقۆ مقۆیەک داکەوت و لە ناکاو خەڵکەکە بێدەنگ بوون . کەسێ دەنگێ هەڵبڕیبوو و مۆعیزەی دەکرد و تەسبێحی هەڵدەسووڕاند و لە کتێبە پیرۆزەکە چەند ئایەتێکی تیلاوەت کردبوو کە بۆنی خوێنیان لێدەهات بەڵام خوێنێکی پیرۆز نەک وەکوو خوێنی نێو گەڵی ژنەکە بۆگەن و چەپەڵ. ” ک.چ.ســــێ دڵۆپ خـــوێــــن “

▪️ژنێکی نیوەڕووت لە نێوەڕاستی کۆڵانەکەدا لە سەرخۆ چبوو . دەنگێکی ژنانە نەڕاندی بوونی ئەم فاحیشە هەوای شارەکەی بۆگەن کردووە دەبێ هەلاهەلا بکرێ . ژنێ بەردێکی لە ژنە نیوەڕووتە گرت . خوێن لە نێوە ڕاستی کۆڵانەکاندا تێکەڵاوی قوڕاو ببوو .خەڵکی شارێ بە ژن و پیاوەوە بە پیر و منداڵەوە لە دەور ژنە نیوەڕووتەکە ئاڵقەیان کردبوو .کوڕە مێڕمنداڵەکان کراسە دڕاوەکەی ژنەکەیان هەڵدەدایەوە و لە نێو گەڵی بریندار و خۆێنی ژنەکەیان دەڕوانی .
ژنێ زریکەی پێ نەمابوو هەتا بیکێش . ژنێ دۆعا و پاڕانەوەی پێ نەمابوو هەتا لە خوا داوای بکات . ” ک.چ.ســــێ دڵۆپ خـــوێــــن “
کچەکەیان لە خەو هەستانووە و بە تووڕەییەوە پێی دەڵێن نەچیتە دەسشۆرەکە و میز نەکەی . دەنگی پیرێژنێک دەگاتە گوێ کە بە دایکم دەڵێ زووبن کچەکە بێنن دەبێ بچمە چەند شوێنی دیکەش . دایکم و خۆشکە گەورەکەم دەمبەنە هۆدە چکۆلەکە و دەرپێکەم پێ دادەکێشن . سەرم ماسیوە و نازانم چ خەبەرە . ڕامدەکشێنن و هەر دوو لاقم پێ دەکەنەوە . ژنە پیرەکە بە وتنەوەی ناوی خوا و پێغەمبەر و سەلام و سڵاوات قەڵەمبڕە ژەنگرتووەکەی دەردێنێ و لە نێو گەڵمی دەنێ . کچێ دەزریکێنێ و لە سەر خۆ دەچێ . پیرێژنەکە لەتەگۆشتێکی لە نێو گەڵی کچەکە بڕیوە و خوێن فیچقە کردووە . دایکم تۆپەڵێ خۆڵەمێش و پەڕۆی لە نێو گەڵم خنیووە.” ک.چ.ســــێ دڵۆپ خـــوێــــن “
لە هۆڵەکە دەنگی دەف و سڵاوات دەگەیێە گوێ . کە هاتمەوە سەرخۆ نێو گەڵم ژانی دەکرد. خۆشکم دەستی گرتمو بەرەو دەسشۆرخانەکە بردمی و پێی گوتم بڕۆ میز بکە. هەتا دەتوانی میزبکە  ،میز بکە…
بۆ دووهەم جار لە سەرخۆم چووم . ماویەک دایکم برینی نێو گەڵمی بە خۆڵەمێش و پۆماد تیمار دەکرد . ماوەیەک خۆشکم دەستی دەگرتم و هەتا دەسشۆرخانەکە دەیبردم و دەیگوت میزبکە میز . . .” ک.چ.ســــێ دڵۆپ خـــوێــــن “

▪️هەستم بە گۆڕانێکی سەیر لە لەشمدا دەکرد . هەستم دەکرد زگم دێشێ و لە وانەیە ئێشی زگم لە سەر خۆم ببات و و هەتا دەسشۆرخانەکەمی دەبرد . هەستم بە گەرمایەکی سەیر دەکرد کە لە زگمەوە بەرەو ناوگەڵم بەڕێ کەوتووە .هەستم بە بۆگەنێ ەکرد کە هەتا ئێستە نەمبیستوو . دەستی خۆشکمم گرت و بەرەو دەسشۆرخانەکە بردم . خۆشکم زانیبووی کە چ باسە و پێی گوتم ئەو خوێنە نیشانەی گەورەبوونی تۆیە و پێی دەڵێن عادەتی مانگانەی ژنانە . من چەن جاران بە خۆشکمم گوتبوو خۆ من ژن نیم من کچم ژن نیم …” ک.چ.ســــێ دڵۆپ خـــوێــــن ”
پێمگوتبووحەتمەن دەبێ بۆ ئەوەی ببم بە ژن  ئەم خوێنە بۆگەنە لە نێو گەڵمەوە بێ ؟ لە بیرمە خۆشکم بە دەنگی بڵیند قاقای کێشابوو . خۆشکم فێری کردبووم کە هەموو مانگێ ئەو حاڵەتە ڕووم تێدەکات . دەبێ ئەو نەوارە سپیە لە نێۆ گەڵم بخەم و خۆم پاک و خاوێن ڕابگرم .
دایکم هەمیشە پێی دەگوتم ئیدی تۆ گەورە بوویت و دەبێ خۆت جوان و خانمانە بپێچیەوە و یاری کۆڵان و لە گەڵ کوڕان کایەکردن بخەیتە ئەولاوە. ڕۆڵە تۆ گەورە بوویت و دەبێ وەکوو خۆشکەکەت سەری باوک و برات بەرز ڕابگری . ڕۆڵە ئێمەی ژن کراسەکەی خۆمان دوژمنمانە .هەموو ڕۆژێ دایکم بە تووڕەیەوە بیری دەخستمەوە کە من  و خۆشکم نامووسی باوکم و براکانمین و دەبێ وەک ئاو خۆمان بپارێزین .” ک.چ.ســــێ دڵۆپ خـــوێــــن “

ڕۆژ بە ڕۆژ هەستم دەکرد کە چەند گۆڕانێک لە نێو لەش و ڕۆحمدا ڕوو دەدا .ئیدی بە چاوێکی دی سەیری کوڕانی کۆڵان و قەوم و فامیلم دەکرد . ڕۆژان بە دەیان دێقە دەنگی تیوی و ماهوارەکەم بڵیند دەکرد و گوێم لە گۆرانی ڕادەگرت . دەچوومە پێش ئاوێنەکە و لە لەش و لاری خۆم دەڕوانی.
لە خوێدنگاکە لە گەڵ هاوپۆلیەکانم شۆخیمان دەکرد و دەستمان بۆ یەک دەبرد و جارجار شڵپەی ماچ بوو کە دەگەییە گوێ .
ئێوارەیەک کە لە خوێندنگا گەڕابوومەوە دەنگی قرمەوقاڵێکی بەرز دەگەیە گوێ .کە چوومە نێو هۆڵەکە ماڵ مامی گەورەم لەوێ بوون . دوای چاکی وچۆنی چوومە ژوورەکەم هەتا جلەکانم بگۆڕم . دوای چەند دێقە کەسێ تەقل و بابی لێدا و بێ ئەوەی ئیزنم دابێ هاتە ژوورێ . فوادی ئامۆزام بوو . خوایە کەنگێ ئەوندە گەورە بووە ؟ لەرزێ بە لەشمدا هات و چاوم بۆ چەند چرکە ڕەش بۆوەوە . بە دەنگی فواد هاتمەوە سەرخۆ . داوای ژمارە موبایلەکەی لێکردم هەتا چەند فایلم بۆ بنێرێ . فواد بە بزەوە لە ژوورەکە چووە دەرەو بەڵام من ماق و وڕ مابووم و لە دیوارەکەم دەڕوانی .” ک.چ.ســــێ دڵۆپ خـــوێــــن ”
مامی گەورەم بازرگان بوو و وەزعی ماڵیان ئێجگار چاک بوو . لە نێو هەموو خزم و کەسدا بارودۆخی ماڵیان لە هەموان باشتر بوو . منداڵەکانیشی لە هەموو بارێکەوە لە خۆشی و بێ خەمیدا بوون و قەوم و خزم ئێرەیان پێ دەبردن بێجگە لە مامە چکۆلەکەم کە هەمیشە دەیگوت خۆزگە خوا بە ئەنازەی عیلم و مەعریفەت سامانی بە خەڵکی دەدا !” ک.چ.ســــێ دڵۆپ خـــوێــــن “
من و فواد چەندین ساڵ بوو کە یەکدیمان خۆش دەویست و من بێ ئەو نەمدەتوانی کە چاویش بەیەکدا بنێم خەو خۆراکم لێ حەرامببوو . هەمیشە بیر و هۆشم لای فواد بوو هەر چەندە کت دەمزانی فواد وا نییە بۆ من . چەندین جار هاوڕێکانم دیبوویان کە کچان و ژنانی سوار ماشینەکەی کردووە و قاقایان لێداوە بەستەنی و شەربەتیان بە دەم یەکدیەوە کردووە . شەوێک هەموو ماڵە پوور و ماڵە مامەکانم داوەتی ماڵی مامە گەورەم بووین . هێند شلووق بوو کە سەگ ساحێبی خۆی نەدانسیەوە . فواد چاوی لێ هەڵتەکانم و بە ئیشارە کێشامی بۆ ژوورێک کە لە گۆشەی حەوشەگەورەکەیاندا سازیان کردبوو . فواد ئەو ژوورەی وەکوو ژووری خوێندنەوە و وانەکانی بە دایک و بابی ناساندبوو کەچی ئەوەی تێیدا نەبوو کتێب و دەفتەر و شتی وابوو . هەتا گەیشتینە نێو ژوورەکە دەستمی کێشا و باوەشی پێدا کردم و لێوی مژیم و پەیتا پەیتا ڕایدەمووسیم. دەستی لە مەمک و لێوم دەسووی و منیش لە ئاسمانەدا هەڵدەفڕیم . لە ناکاو هەستم بە ئێشێکی کوشندە لە نێو گەڵمدا کرد. چەند دڵۆپ خوێن لیباسی ژێرەوەمی سوور کردبوو . زریکاندم و بە مست و لەقە لە سەر و چاوی فواد بەربووم و دەستم کرد بە گریان .” ک.چ.ســــێ دڵۆپ خـــوێــــن “
من مفت و خۆڕایی نامووسی خۆم لکەدار کردبوو . شەرەف و نامووسی باوکمو برام لە ژێر پێ نابوو .
ژنە دووگیانەکە لە نێوە ڕاست کۆڵانەکەدا لە سەر خۆ چۆوە . خەڵکی شارێ بە ورد و منداڵەوە بەردبارانیان دەکرد جنێویان پێ دەدا  و نفرینیان دەکرد . ژنەکە هیچ دەنگ و هاوارێکی نەبوو . بێ دەنگی بێ دەنگ. وەکوو ئەوەی ئەو موجازات و ئەشکەنجەیەی شایانی خۆی دەزانی . لە ناکاو کەسێک کڵۆیەکی تێگرت ژنەکە زریکاندی .  هاوار و ناڵەی ژنێ گەیشتە ئاسمان . پیاوێکی سمێڵ قەیتانی ڕانکەوچۆخە سوور لە ماشینەکەی دابەزیبوو . خۆی لە نێو حەشیمەتەکە خستبوو و ئەوەیش وەکوو هەموو پیاوانی شارەکە بۆ ئەوەی ئەو لکە ناحەزە لە داوێنی خۆی بسڕێتەوە بە گوتنی قاحبەی داوێن پیس بمرە کڵۆیەکی لە سەری ژنەکە گرتبوو …

 

همچنین ببینید

در نبود نظارت درست بر نانوایی‌ها، برای نان سبوس‌دار قیمت‌های سلیقه‌ای وجود دارد . . !

در نبود نظارت درست بر نانوایی‌ها، برای نان سبوس‌دار قیمت‌های سلیقه‌ای وجود دارد . . !

در نبود نظارت درست بر نانوایی‌ها، برای نان سبوس‌دار قیمت‌های سلیقه‌ای وجود دارد . . …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *